Сунтаардар улуустарын күнүн бэлиэтииллэр

0
253

Бүгүн – Сунтаар улууһун күнэ. Улуус баһылыга Анатолий Григорьев дьаһалынан балаҕан ыйын 21 күнэ Улуус күнүнэн биллэриллибитэ.


Үөрүүлээх тэрээһин В.М. Крыжановскай аатынан ипподромҥа нэһилиэк баһылыктарын, тэрилтэлэр үлэһиттэрин сэлэлии хаамыыларынан саҕаланна. Улуус баһылыга Анатолий Григорьев мустубут дьоҥҥо: «Бу сыллар тухары улууспут сайдыытын туһугар олохторун анаабыт, үлэлээбит дьоммутун үйэтитэр, бэлиэтиир күммүт баар буолбута историческай түгэн», – диэн бэлиэтээн эттэ.

Баһылык көмөлөһөөччүтэ Тимур Иванов «Эдэр саас» сайтка кэпсээбитинэн, билигин «Күһүҥҥү киһи күлбүтүнэн» тыа хаһаайыстыбатын бородууксуйатын атыы-эргиэн дьаарбаҥката ыытылла турар. Маны таһынан, Удачнайдааҕы ГОК үлэһиттэрэ О.Г. Зайка, Е.С. Абдуллаева, А.А. Лапихин кыттыылаах үлэ дьаарбаҥката Ыччат дьиэтигэр ыытыллыбыт.

Сунтаардар бырааһынньыктарын эстрада артыыстара Анатолий Горохов, Туйаара Стручкова-Огдооччуйа киэргэтиэхтэрэ. Мантан киэһээ улахан кэнсиэр буолара былааннанар.

0
0

Хоруй суох

Хоруйдаа