Маннык түүннэри-күнүстэри кэтээн көрөр сэттэ видеокамера Вилюйскай уулусса уонна Зверев проспегын, Октябрьскай уонна Мичурин уулуссаларын быһа охсуһууларыгар туруорулунна. Бу тэриллэр 6000 м2 иэннээх сири хабаллар, чугаһатан, улаатыннаран көрдөрөр кыахтаахтар.
Бырагыраама чэрчитинэн видеокамера ахсаана отут алтаҕа тиийиэхтээх уонна сэлиэнньэ үгүс өттүн хабыахтаах. Кэтээн көрөр тэриллэр Сунтаардааҕы ис дьыала дьуһуурунай чааһыгар турдулар. Бу үлэ улуус уонна нэһилиэк бюджеттарын кыттыгас үбүлээһининэн оҥоһуллар.
