«Бырааска махтал» бүтүн Россиятааҕы аахсыйа чэрчитинэн Сунтаар сэлиэнньэтигэр саҥа массыына кэллэ. Техника медицина суһал көмөтүн тэтимин күүһүрдүө, быраастар үлэлэрин чэпчэтиэ, СИА-ҕа «Биир ньыгыл Россия» баартыйа пресс-сулууспата иһитиннэрдэ.


УАЗ-Патриот Саха сирин икки балыыһатыгар өссө муус устарга анаммыта. Региоҥҥа коронавирус саҥа тарҕанан эрдэҕинэ. Бастакыта — Дьокуускайга өрөспүүбүлүкэтээҕи клиническай балыыһаҕа, иккиһэ — Сунтаарга. Дьаҥынан миэрэлэр уһулланнар, техника дойдутун дьэ булла.

«Массыына быраастартан үгүс ноҕуруусканы түһэриэ. Ыраах, суола-ииһэ суох нэһилиэктэргэ дьон олоҕун быыһыы айанныырга суолга кыһалҕа элбэх. Куһаҕан суолга айанныыр массыына хайаан да наада», — диэтэ баартыйа Сунтаардааҕы салаатын сэкирэтээрэ Анатолий Григорьев.

Кылаабынай быраас Светлана Иванова  бэлиэтээбитинэн, балыыһаҕа саҥа массыына ылыытын боппуруоһа турбута ырааппыт. Онон кэлэктиип махталын тириэрдэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.