28 Кулун тутар 28.03
  • -12°
  • $ 92,59
  • 100,27

«Сулус ардаҕын “ анныгар

Читайте нас на
Яндекс Новости
ЯДВ

Муус устар бүтэһик күнүгэр, Суорун Омоллоон аатынан Опера уонна балет театрыгар, Дьокуускай куорат 17-с №-дээх оскуолатын номнуо үгэскэ кубулуйбут   “Сулус ардаҕа” киэҥ хабааннаах тэрээһинэ, үрдүк таһымнаахтык буолан ааста.


Ол курдук, үөрэх дьылын түмүгүнэн, хас биирдии кылаас туйгун үөрэнээччилэрин, үөрэх бастыҥнарын, кэскиллээх спортсменнары, уус-уран самодеятельность, фестиваль, ырыа-үҥкүү куонкурсун кыайыылаахтарын, “Инникигэ хардыы” научнай-практическай конференция дипломаннарын улахан сценаҕа чиэстээһин буолла. Тэрээһин, 19-с үйэ стилинэн барда. Онон учууталлыын, үөрэнээччилиин оччотооҕу балга таҥнан кэлэрдии тэринэн, оҥостон, бары кыраһыабай уһун былааччыйалаах, уолаттар фрактаах кытыннылар.

Бал туруорааччытынан уонна үҥкүүнү үөрэтээччитинэн, хаһыс да сылын, Саха Республикатын үтүөлээх артыыһа Афанасий Афанасьев буолла. Үрдүкү кылаас оҕолоро уонна педколлектив вальс уонна падеграс үҥкүүнү толорбуттарын мустубут дьон ытыс дохсун тыаһынан көрүстэ.

Үөрэх дьылын түмүгүнэн, оскуола үрдүнэн, саамай элбэх туйгун үөрэнээччилээх, дэгиттэр талааннаах, бастыҥ спортсменнардаах “Звездный класс” номинация хаһаайынынан, “Россия бастыҥ учуутала-2009 грант хаһаайката, РФ Уопсай Үөрэхтээһинин бочуоттаах үлэһитэ Г.М.Петрова салайааччылаах “ 3 г” кылаас коллектива ааттанан, кыайыы өрөгөйүн биллэ.

Чиэстэммит үөрэнээччилэр, дипломнарынан, грамоталарынан наҕараадаланнылар. Инникитин, өссө кыһамньылаахтык үөрэнэргэ, ситиһии, кыайыы, бастыҥнар кэккэлэригэр киириигэ дьулуһуулара күүһүрбүтүн эттилэр. Өйдөбүнньүк хаартыскаҕа түһэн, дьоллоох түгэни уһун үйэлээтилэр.

Бу киэһэ кэлбит төрөппүттэр, ыалдьыттар, тэрээһин сыл аайы тупсан, кэҥээн, таһыма үрдээн иһэрин бэлиэтии көрдүлэр. Түмүккэ, оскуола салалтатыгар, чуолаан, директор Л.П.Афонскаяҕа уонна директоры иитэр үлэҕэ солбуйааччы О.И.Борисоваҕа махталларын биллэрдилэр.

Следите за самым важным и интересным в Telegram-канале и WhatsApp-группе ЯСИА