Быйыл судаарыстыбаннас күнүн чэрчитинэн музейдарга сылдьыы, ыччат акциялара, о.д.а. тэрээһиннэр буолуохтара. Өрөспүүбүлүкэ бэлиитикэтин уонна уопсастыбаннай олоҕун чулуу дьонугар пааматынньыктары туруоруу, үөрүүлээхтик аһыы маныаха  сүрүн миэстэни ылыахтара.


Бу туһунан бырабыыталыстыбаҕа тахсыбыт дьүүллэһиигэ бастакы вице-премьер э.т. – баһылык уонна бырабыыталыстыба дьаһалтатын салайааччы Юрий Куприянов министиэристибэлэр уонна биэдэмистибэлэр этиилэрин иһиттэ, көннөрүүлэри, эбиилэри киллэрдэ.

Балаҕан ыйын 27 күнүгэр Саха сирин устуоруйатыгар бэлиэ суолталаах сирдэргэ сылдьыахтара. Холобур, Таатта улууһун Чөркөөҕөр, Бүлүү улууһун Харбалааҕар уонна Нам Хатырыгар.

Киин куоракка саҥа икки пааматынньыгы аһыахтара – ХХ-с үйэ саҕаланыытынааҕы саха интеллигенциятын чаҕылхай бэрэстэбиитэлигэр Василий Никифоров – Күлүмнүүргэ уонна бөдөҥ уопсастыбаннай-политическэй деятелгэ Степан Васильевка. Киниэхэ анаммыт скульптураны өссө төрөөбүт Ньурбатыгар туруоруохтара.

Д.К.Сивцев-Суорун Омоллоон аатынан опера уонна балет судаарыстыбаннай тыйаатырыгар үөрүүлээх мунньах ыытыллар. Онно бырабыыталыстыба чилиэннэрэ, дьокутааттар уонна уопсастыбаннас кыттыыны ылыахтара. Үөрүүлээх тэрээһиннэр Москваҕа, Санкт-Петербурга, Хабаровскайга уонна улуустар кииннэригэр ыытыллыахтара.

Үөрэх тэрилтэлэригэр гражданственность уонна парламентаризм уруоктара буолуохтара.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.