Коронавируһунан сибээстээн ылыллыбыт хааччахтыыр миэрэлэр Саха сиригэр от ыйын 1 күнүгэр диэри уһатылыннылар. Бу туһунан дьаҥ тарҕаныытын утары үлэлиир суһал штаб иһитиннэрдэ.
Ааспыт сууккаҕа 50 киһи ыарыйда. Ол иһигэр 45 — Дьокуускайга, 2 — Мииринэйгэ, биирдии — Абый, Мэҥэ Хаҥалас, Өлөөн улуустарыгар. Ыалдьыбыттар балыыһаҕа киирдилэр, алтыспыттара билилиннилэр, изоляцияланнылар.
Дьаҥ тарҕаныаҕыттан 4013 киһи коронавирустаата, онтон 3162 (78,8%) — Дьокуускайга.
Ааспыт сууккаҕа 101 киһи үтүөрдэ: 73 — Дьокуускайга, 11 — Мииринэй оройуонугар, 4 — Таатта улууһугар, 3 — Мэҥэ Хаҥалас уонна Нам улуустарыгар, 2 — Нерюнгрига, биирдии — Үөһээ Бүлүү, Үөһээ Халыма, Бүлүү, Ньурба, Сунтаар улуустарыгар.
33 киһи ыарахан туруктаах.
Лабораторияларга 3062 тест оҥоһулунна.
Бэс ыйын 26 күнэ:
Коронавирустаата — 4013 (+50)
Үтүөрдэ — 2906 (+101)
Суорума суоланна – 31 (+3)