29 Кулун тутар 29.03
  • -15°
  • $ 92,26
  • 99,71

«Суһал көмөнү» ыҥырыы төлөбүрдээх буолар диэн тарҕаммыт сурахха итэҕэйимэҥ

15:45, 23 января 2018
Читайте нас на
Яндекс Новости
ЯДВ

2018 сыл бэс ыйын 14 күнүттэн «Суһал көмөнү» ыҥырыы төлөбүрдээх буоларыгар В.Путин Ыйааҕа таҕыста диэн сурах оруна суоҕун СӨ Доруобуйа харыстабылын министиэристибэтэ бигэргэттэ.


«РФ Доруобуйаҕа харыстабылын министиэристибэтэ суһал көмөнү оҥоруу быраабылаларыгар уларыйыылары киллэрии туһунан 33 №-дээх уурааҕын эрэдээксийэтин дьон-сэргэ сыыһа өйдөөбүт буолуон сөп. Саҥа эрэдээксийэҕэ «суһал көмө» үлэһиттэригэр көрүллэр ирдэбилгэ уларыйыылар киллэриллибиттэрэ», – диэн быһаардылар.

Онон, министиэристибэ социальнай ситимнэргэ тахсар араас саарбах сурахтарга итэҕэйбэккитигэр ыҥырар.

ЫСПЫРААПКА:

2016 с. уураах быһыытынан уларыйыылар биригээдэ састаабыгар киллэриллибиттэрэ. Холобур, урут «суһал көмө» биригээдэтигэр медицинскэй сиэстэрэлэр киирбэттэр этэ. Саҥа быраабыланан биригээдэҕэ хайаан да сиэстэрэ баар буолуохтааҕа ирдэниллэр.

Следите за самым важным и интересным в Telegram-канале и WhatsApp-группе ЯСИА