29 Кулун тутар 29.03
  • -13°
  • $ 92,26
  • 99,71

Степанида Артахинова Европа чөмпүйэнээтигэр үс мэтээли ылары ситистэ

17:00, 20 августа 2018
Текст:
Читайте нас на
Яндекс Новости
ЯДВ

Бэҕэһээ, атырдьах ыйын 19 күнүгэр, Чехия Пльзень куоратыгар түмүктэммит ПОДА-лаах дьон ортотугар оҕунан ытыыга Европа чөмпүйэнээтигэр спорт үтүөлээх маастара Степанида Артахинова икки кыһыл көмүс, биир боруонса мэтээли ылары ситистэ.


Биирдиилээн бастыыр иһин күрэскэ финалга биир дойдулаахпыт квалификацияҕа бастыҥ көрдөрүүлэммит Италия охчута Мария Андреа Вирджилионы кытта сирэй сирэйгэ көрүстэ. Быһаарыылаах күрэскэ Степанида күрэстэһээччитин алта баалынан сабырыйан, кыайыылааҕынан таҕыста. Үһүс миэстэни Арассыыйа өссө биир охчута Юлия Алексеева ылла.

Бу иннинэ саха охчута Юлия Алексееваны (Краснодар) уонна Нонна Александрованы(Хабаровскай) кытта хамаанданан түмүккэ бастыҥ көрдөрүүлэммитэ. Оттон микскэ Москва уобалаһыттан сылдьар Наиль Гатины кытта бииргэ боруонса призерунан буолбута.

Роман Попов, edersaas.ru

Следите за самым важным и интересным в Telegram-канале и WhatsApp-группе ЯСИА