Нерюнгри оройуонугар Чульман үрэххэ киртийии тахсыбытын туһунан видео тарҕанна. Билигин бу сиргэ чинчийии ыытыллар.
Айылҕа харыстабылын министиэристибэтиттэн иһитиннэрбиттэринэн, Нерюнгри оройуонун айылҕа харыстабылын кэмитиэтин госиниспиэктэрдэрэ бу чахчынан бэрэбиэркэ ыыталлар.
“Билигин манан сибээстээн сүбэ мунньах ыытылла турар. Нерюнгритааҕы айылҕа харыстабылын иниспиэктэрдэрин, таас чоҕу хостуур хампаанньалары уонна уопсастыбаннаһы кытта Чульман үрэххэ тахсыбыт киртийиини чинчийэллэр”, —диэтэ Чульман бөһүөлэгин баһылыга Сталик Дерягин СИА-ҕа.
