29 Кулун тутар 29.03
  • -15°
  • $ 92,26
  • 99,71

Сонун акция ыытылынна

16:36, 14 апреля 2016
Текст:
Читайте нас на
Яндекс Новости
ЯДВ

М.К.Аммосов аатынан Хотугулуу-Илиҥҥи федеральнай университекка Доруобуйа бүтүн аан дойдутааҕы күнүнэн «Табыгастаах эйгэ» аһымал акция ыытылынна.


Акция соругунан доруобуйаларыгар хааччахтаах дьон кыһалҕаларыгар уопсастыбаннас, олохтоох салайыныы уонна судаарыстыбаннай былаас уорганнарын болҕомтолорун тардыы буолар.

Маннык акцияны өрөспүүбүлүкэҕэ ыытарга ХИФУ научнай-чинчийэр үлэҕэ проректора, биологическай наука кандидата, доцент Константин Кривошапкин көҕүлээтэ. Кини бэйэтэ волонтердаан, хас да чаас устата хараҕынан көрбөт киһи «оруолугар киирэн», хараҕа суох киһи туох ыарахаттары көрсөрүн биллэ.

Акцияны устудьуоннар сайдыыларын управлениета, ХИФУ сүрүннүүр сэбиэтэ, инклюзивнай үөрэхтээһини сайыннарыы научнай-инновационнай киинэ, үөрэххэ ураты ирдэбиллээх устудьуоннар, аспираннар уонна исписэлиистэр өрөспүүбүлүкэтээҕи ассоциациялара тэрийдилэр.

Акция 50-ча кыттыылааҕа бу күн хараҕынан көрбөт, кулгааҕынан истибэт, кыайан саҥарбат уонна хаампат дьон олоҕунан олорон көрдө. Ол кэнниттэн научнай библиотека конференциялыыр саалатыгар бырайыагы тэрийээччилэр уонна кыттааччылар бэйэлэрин хайдах санаммыттарын, туох ыарахаттары көрсүбүттэрин кэпсээтилэр. Түмүккэ маннык акцияны сыл аайы уонна куорат, өрөспүүбүлүкэ таһымыгар ыытарга баҕа санааларын эттилэр.

  • Оччоҕуна эрэ доруобуйаларыгар хааччахтаах дьон олохторун таһымын, хаачыстыбатын тупсарарга аналлаах дьоһуннаах быһаарыылар уонна сокуоннар ылыллыахтара, – диэн инклюзивнай үөрэхтээһини сайыннарыы научнай-инновационнай киинин дириэктэрэ Пантелеймон Егоров санаатын үллэһиннэ.
Следите за самым важным и интересным в Telegram-канале и WhatsApp-группе ЯСИА