Бүгүн Смоленскай куоракка 21 сааһыгар диэри ыччаттар ортолоругар көҥүл тустууга Арассыыйаҕа бастыыр иһин турнир иккис күнэ. Бэҕэһээ аҕыс бөҕөспүт тустубутутуттан, 57 киилэҕэ диэри ыйааһыҥҥа Петр Копылов финалга тахсан, бүгүн киэһэ Дагестан бөҕөһө Ахмед Идрисовы кытта күөн көрсүөҕэ.
Аҕыйах чааһынан “Юбилейнай” Спорт дыбарыаһын көбүөрүгэр 61, 70 уонна 79 киилэлээхтэр тахсыахтара. Онно саха тустууга оскуолатын тоҕус иитиллээччитэ тустуоҕа: 61 кг — Виталий Неустроев (УОР), Валентин Судинов (УОР), Георгий Кычкин (УОР), Христофор Потапов (РЦСП), Владислав Кривошапкин (РЦСП), 70 кг — Егор Захаров (УОР), Стив Попов (РЦСП) итиэннэ 79 кг — Алексей Ефимов (ШВСМ).
Күрэхтэһии бырагыраамата (Дьокуускай бириэмэтинэн):
Муус устар 14 күнэ:
17:00-19:00 —61, 70, 79 кг диэри ыйааһыҥҥа эрэхтээх хапсыһыылар;
17:00-23:00 —65, 92, 97, 125 кг диэри ыйааһыҥҥа барыллаан уонна финал аҥарынааҕы хапсыһыылар;
23:00-01:00 —61, 70, 79 кг түмүк хапсыһыылар;
Муус устар 15 күнэ:
17:00-18:00 —65, 92, 97, 125 кг диэри ыйааһыҥҥа эрэхтээх хапсыһыылар;
18:00-20:00 —65, 92, 97, 125 кг түмүк хапсыһыылар.
Роман Попов, edersaas.ru
