29 Кулун тутар 29.03
  • -11°
  • $ 92,26
  • 99,71

Сирия, дорообо! «Азия оҕолоро» оонньуу бастакы кыттааччылара кэллилэр

10:38, 01 июля 2016
Текст:
Читайте нас на
Яндекс Новости
ЯДВ

Бүгүн сарсыарда Москваттан кэлбит рейсинэн норуоттар икки ардыларынааҕы VI –с “Азия оҕолоро” оонньууга Сирияттан кыттар спортсменнар кэллилэр. Делегация састаабыгар 50 киһи баар.


«Москваҕа тохтуу сылдьыбыт буоламмыт, айаммыт олус уһаата. Буолаары турар оонньууга күүскэ бэлэмнэнэн кэллибит, онон элбэх мэтээли ылар санаалаахпыт. Ордук боксаҕа уонна дзюдоҕа кыайыыга эрэллээхпит», — диэн хамаанданы арыаллаан иһэр Маула Лубна эттэ.

Кинилэри салгыы Олимпиада дэриэбинэтигэр илтилэр, онно оонньуу бүтүөр диэри олоруохтара.

Сирия сүүмэрэдэммит хамаандатыгар 20 уол уонна 11 кыыс киирдэ. Кинилэр боксаҕа, художественнай гимнастикаҕа, чэпчэки атлетикаҕа, саахымакка, дзюдоҕа, көҥүл тустууга, харбааһыҥҥа, тхэквондоҕа, остуол тенниһигэр уонна оҕунан ытыыга киирсиэхтэрэ.

Сирия хамаандата аан бастакытын «Азия оҕолоро» оонньууга 2012 сыллаахха кыттыбыта. Онно биир кыһыл көмүс, биэс боруонса мэтээли ылары ситиспитэ. Быйылгы оонньууга кэлбит сүүмэрдэммит хамаанда састаабыгар ыччат спартакидатын кыайыылаахтара киирбиттэр.

Следите за самым важным и интересным в Telegram-канале и WhatsApp-группе ЯСИА