28 Кулун тутар 28.03
  • -13°
  • $ 92,59
  • 100,27

"Сир түннүгэр" Дуолан Лугинов сахалыы ойуу киинэлэри хайдах айарын көрүҥ

14:20, 12 октября 2020
Текст:
Читайте нас на
Яндекс Новости
ЯДВ

Оруобуна биир ый анараа өттүгэр, балаҕан ыйын 14 күнүгэр, Саха информационнай ааҕыныстыбатын порталын сахалыы сирэйигэр “Сир түннүгэ” саҥа түһүмэх үлэтин саҕалаабыта. Бүгүн иккис таһаарыыга — саха остуоруйаларын туһунан кэпсэнэр.


Ыччакка, оҕолорго уонна төрөппүттэргэ аналлаах “Саха суола” ютуб-ханаал остуоруйалар туһунан чинчийэр-сырдатар биэриитэ таҕыста. СИА «Сир түннүгэ» түһүмэҕэр анал сигэнэн киирэн көрүөххүтүн сөп.

Бу биэриигэ саха омук тылынан уус-уран айымньытын кэрэтин көрүөххүт, норуот өйүн-санаатын, остуоруйалыыр уратытын сэҥээриэххит. Саха остуоруйатын көрүҥнэрин уонна кимнээх чинчийбиттэрин билиэххит. Остуоруйаны аныгы ньымалары туһанан тиэрдии холобуругар элбэххэ үөрэниэххит. Ол курдук Сербияҕа олорон, SUOL анимация устуудьуйатын арыйбыт Дуолан Лугинов сахалыы ойуу киинэлэри хайдах быһыылаахтык айарын, оҥорорун көрүөххүт.

Бу барыта билиигитин хаҥатыа, сахалыы кэпсэтэр тылга-өскө көҕүлүө, айар үлэҕэ холонооччуларга көмөлөһүө, сайыннарыа, диир ханаал ааптара уонна салайааччы, тыл билимин хандьыдаата Ангелина Кузьмина.

Сигэтэ: https://youtu.be/Qr2c08mkOqE

“Сир түннүгэ” бырайыагы көрүҥ, сэргээҥ, кэлэр кэскили кэрэһилээҥ! Саха сарсыҥҥылаах буоллун! Санаатын сайа туойдун!

Следите за самым важным и интересным в Telegram-канале и WhatsApp-группе ЯСИА
Тутаах тыллар