29 Кулун тутар 29.03
  • -12°
  • $ 92,26
  • 99,71

"Сир түннүгэ": Төрөөбүт төрүт тылынан хоһоон ааҕабыт

18:01, 17 февраля 2021
Текст:
Читайте нас на
Яндекс Новости
ЯДВ

СИА «Сир түннүгэ» сахалыы ааҕыыга уонна суруйууга уһуйар түһүлгэтин уочараттаах таһаарыытыгар хоһоон тыла оҕону ийэ тылы таптыырга үөрэтэрин көрүөххүт. Төрөппүттэргэ анаммыт биэрии сигэтэ https://youtu.be/AFxlymw5zRM


«Саха сиригэр сурук-бичик сайдыаҕыттан үөрэх тэнийэн барбыта. Киһи билиигэ-көрүүгэ тардыһыыта, сырдыкка талаһыыта ааҕыыттан саҕыллар. Ааҕыы саха ыччатын өйө-санаата тобулларыгар, кэрэни кэрэһилии, ырааҕы ыраҥалыы үөрэнэригэр олук уурар, кэскилин түстүүр. Бу биэрииттэн оҕону сахалыы кинигэни ааҕарыгар хайдах көҕүлүөххэ сөбүн, түргэнник уонна өйдөөн ааҕыы ньымаларын туһунан билиэххит«, — диир бырайыак ааптара Ангелина Кузьмина.

Ааптар “Мас тоҕо үүнэрий?” кинигэтин уола Володя Кузьминныын ааҕан, тыллар суолталарын үөрэтиигэ дьарыктарыттан төрөөбүт тылбытын анаарыаххыт, элбэххэ үөрэниэххит.

Биэрии иккис түһүмэҕэр оҕолор таптаан ааҕар элбэх xohooн кинигэтин ааптара, саха норуотун бэйиэтэ Семен Данилов «Кэс тыл» хоһоонун дьиэ кэргэнинэн ааҕыыга холобур буолар ыал уус-уран ааҕыытын  сэргиэххит. Семен Петрович төрөөбүт тылын муҥутуурдук билэрэ, ийэ тыл омугу тыынныыр, кэскилин түстүүр аналын дириҥник өйдүүрэ: «Төрөөбүт төрүт тылгын төһө таптыыргынан өй дуораана буолан өлбөт үйэлэниэҥ”, – диэн эппитэ.

“Саха суола” ютуб-ханаал бу биэриитигэр ону тэҥэ Семен Данилов “Ферма кыргыттара” хоһоонун хайдах айбытын билиэххит.

Следите за самым важным и интересным в Telegram-канале и WhatsApp-группе ЯСИА