Экология министиэристибэтэ сир аһын хомуйуу болдьоҕун туһунан уураах таһаарда.  Быйыл итии сайын буолбутунан, от ыйын 10 күнүттэн дьэдьэни Амма, Нам, Таатта, уонна Уус Алдан улуустарыгар хомуйуу саҕаланар.


От ыйын 15 күнүттэн Мэҥэ Хаҥалас, Ньурба, Чурапчы оройуоннарыгар дьэдьэни уонна хаптаҕаһы хомуйуу көҥүллэнэр. Сугуну — от ыйын 20 күнүттэн.

Моонньоҕону хоту улуустарга атырдьах ыйын 5 күнүттэн хомуллар, Бүлүү бөлөхтөргө бу сир аһа атырдьах ыйын ортото ситиэҕэ.

Уулаах отону атырдьах ыйын 25 күнүн кэнниттэн хомуйуу көҥүллэнэр. Хоту оройуоттарга уохтаны атырдьах ыйын бастакы декадатыттан үргүүр сөптөөх.

Малина Бүлүү бөлөх оройуоннарыгар тарҕаммыт сир аһа. Хомуйуута от ыйын 18 — 20 күннэрэ.

Черниканы бу сезоҥҥа атырдьах ыйын саҥатыттан Мииринэйгэ хомуйуохха сөп, оттон Ленскэй уонна Нерюнгри оройуоттарыгар — атырдьах ыйын ортото.

Кедр эриэхэтин атырдьах ыйын 25-с күнүн кэнниттэн хомуллар, сорох оройуоттарга — балаҕан ыйын 1 күнүттэн.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.