28 Кулун тутар 28.03
  • -13°
  • $ 92,59
  • 100,27

«Симэлийбэт суол» испэктээк көрөөччүлэри күүтэр

17:00, 22 февраля 2018
Текст:
Читайте нас на
Яндекс Новости
ЯДВ

Олунньу 22 күнүгэр Эдэр көрөөччү судаарыстыбаннай тыйаатырыгар Хорсунун иһин уордьан кавалера, байыаннай дьайыылар кыттыылаахтара, СӨ норуотун хаһаайыстыбатын үтүөлээх үлэһитэ Иван Черкашин «Симэлийбэт суол» («Незабвенная тропа») кинигэтинэн туруоруллубут испэктээк буолуоҕа. 


«Симэлийбэт суол» испэктээк Аҕа дойдуну көмүскээччилэр күннэригэр уонна Аҕа дойду улуу сэриитин сылларыгар Ильмень күөлү туорааһыҥҥа дьоруойдуу өлбүт саха буойуннарын кэриэстэбилигэр ананар.

Александра Мариничева инсценировкатынан, искусство үтүөлээх деятелэ Александр Титигиров режиссердаабыт бу испэктээкилэ Дьокуускайга аан бастаан туруоруллуоҕуттан ыла көрөөччүлэр сэҥээриилэрин ылан, өссө улуустарга тиийэ көрдөрбүттэрэ. Онон, Иван Черкашин айымньыта эдэр көлүөнэҕэ дойдуга тапталы уонна патриотизмы иитэр, күн аайы кыайан этиллибэт алдьархайы көрөөччү дууһатыгар уонна сүрэҕэр тириэрдэр үтүө дьыалата салҕанар.

Испэктээкили көрбүт киһи байыаннай кыргыһыыларга олохторун толук уурбут, дойдуларыгар эргиллибэтэх дьоруойдарга сүгүрүйэр, хараҕын уутун тоҕор, артыыстарга махталын биллэрэр. Көрөөччүлэр ортолоругар байыаннай дьайыылар кыттыылаахтара, чугас дьоннорун сүтэрбит ийэлэр уонна аҕалар, бырааттар уонна эдьиийдэр, дьүөгэлэр уонна доҕоттор куруук баар буолаллар.

Следите за самым важным и интересным в Telegram-канале и WhatsApp-группе ЯСИА