“Симэх” Далбар Хотуттара Ытык Күөлгэ ыалдьыттаатылар

Олунньу 6 күнүгэр Өксөкүлээх Өлөксөй аатынан Норуоттар доҕордоһууларын дьиэтин “Симэх” Норуот  айымньытын  киинэ Ытык Күөлгэ П.А.Ойуунускай аатынан Таатта народнай театрыгар дьоро күҥҥэ күндү ыалдьыт буолла.

0
364

Манна “Триумф мастерства” республикатааҕы быыстапка үөрүүлээх аһыллыытыгар Таатта улууһун иис куттаах Далбар Хотуттары түмэр түһүлгэ тэрилиннэ.

2015 сыл түмүгүнэн норуот маастара номинацияҕа Российскай Федерация правительствотын “Душа России” бириэмийэтин лауреата, Саха Республикатын норуотун маастара, республикатааҕы “Кырадаһын кустуга” иис кулуубун салайааччы Ольга Гуляева,  «Симэх» Норуот  айымньытын  киинин сүрүн специалиһа Радомира Баишева, Саха Республикатын норуотун маастара Евдокия Петрова, “Симэх” киин фондун үлэһитэ, Саха Республикатын норуот уус-уран оҥоһууга маастара Азияна Харлампьева, Саха Республикатын норуот уус уран оҥоһууга маастара, Саха Республикатын Кукольниктарын  сойууһун салайааччы Василий Андросов, Бүлүү улууһун иистэнньэҥэ Анна  Семенова дьоһун-мааны ыалдьыт буоллулар.

Ольга Гуляева кыбытыктаах иискэ 20 иистэнньэҥи иилээн-саҕалаан маастар кылааһы үрдүк таһымнаахтык ыытта.

3

Евдокия Петрова саха танаһын быһыытыгар, тигиитигэр 21 кыттааччыга сүбэ-ама биэрдэ, тута ыйан-кэрдэн быһан-отон элбэх киһини илии тутуурдаан үөртэ.

Василий Андросов авторскай куукула оҥоһуллар кистэлэҥин арыйда. 31 киһи көхтөөхтүк кытынна. Тааттаҕа саҥа «Таатта кукольниктара» диэн түмсүүнү тэрийдэ.

Тэрээһин аһыллыытыгар Тааттыныскай нэһилиэк «Айылҕаана» иис түмсүүтүн  Далбар эбээлэрэ (салайааччы Екатерина Бурнашева) сиэр-туом толоруутугар, ыытааччынан “Удьурҕай” этно-бөлөх салайааччыта Людмила Цой,  Ийэ олоҥхоһут П.Е.Решетников төрөппүт кыыһа Розалия Докторова алгыс тойуга,  Тыараһа нэһилиэгиттэн “Кылыһах” народнай фольклорнай ансаамбыл (салайааччы Кэнчээри Собакина) “Чаппараах тойугун” туойан, кымыс иһэрдэн  быыстапка аһыллыытын ситэри симээн киэргэттилэр.

1

«Таатта улууһа» муниципальнай оройуон баһылыгын социальнай боппуруостарга солбуйааччытыгар Изабелла Сивцева Саха Республикатын норуот уус-уран оҥоһууга маастара, Таатта улууһун “Айылгына” иис кулуубун салайааччы Арина Большаковаҕа, 6 иистэнньэҥҥэ улуус баһылыгын аатыттан Бочуотунай грамота туттарда. Саха Республикатын норуотун маастара, Таатта улууһун култуураҕа салаатын начальнига Афанасий Лопатин Ольга Ивановна Гуляеваҕа СР норуотун маастара Ф.И.Чээрин чочуйбут маллаах иһитин  туттарда.

«Симэх» Норуот  айымньытын  киинин сүрүн специалиһа Радомира Баишева Таатта улууһун култуураҕа салаатын декоративнай-прикладной айар үлэни сүрүннүүр методиһыгар Яна Никифороваҕа Өксөкүлээх Өлөксөй аатынан Норуоттар доҕордоһууларын дьиэтин генеральнай директора Я.В.Игнатьева аатыттан «Махтал сурук» туттарда.

4

 Р.Д.Баишева, О.И.Гуляева, А.Н.Большакова, И.А.Сивцева, А.П.Лопатин мустубут дьон ытыһын тыаһынан доҕуһуоллатан, уот кыһыл лиэнтэни  кырыйан, сүрэх иэйиитинэн, уран тарбах талаанынан айыллыбыт «Айар талаан өрөгөйө” – “Триумф мастерства”  республикатааҕы быыстапканы үөрүүлээхтик астылар.

0
0
[the_ad_group id="742"]