Кэбээйи улууһун Сиэгэн Күөлүгэр «Албан аат» скверыгар чекистэргэ аналлаах пааматынньык туруоруутун үөрүүлээх тэрээһинэ буолан ааста.
Кировскай нэһилиэгин дьаһалтата РФ Куттал суох буолуутун федеральнай сулууспатын Саха сиринээҕи управлениетын дьаһалтатын кытта үлэлэһэн, гражданскай сэрии саҕана Суол Биллиилээххэ геройдуу охтубут чекистэргэ үйэлээх өйдөбүнньүк оҥоһулунна.
Максим Алексеев, нэһилиэк аҕа баһылыга: «Бу өйдөбүнньүгү туруорарга нэһилиэкпит дьоно-сэргэтэ олус көхтөөх кыттыыны ылла. Бэлиэ аһыллыыта үрдүк тэрээһиннээхтик ааста. Нэһилиэгим дьонугар-сэргэтигэр актыыбынай көрүүлээхтэрин, өйөбүллэрин иһин дириҥ махталбын тиэрдэбин!»
Сиһилии: https://ulus.media/2020/09/07/siegen-k-lge-gerojduu-ohtubut-chekisterge-jd-b-nn-k-belieni-aryjdylar/
