Сибэтиэй патриарх Кирилл Сибиир уонна Уһук Илин епархияларыгар сылдьарыгар Саха сиригэр балаҕан ыйын 8 күнүгэр кэлиэҕэ. Кини өрөспүүбүлүкэҕэ 2010 сыллаахха кэлэ сылдьыбыта: духуобунай семинария аһыллыытыгар кыттыбыта, киин куорат таҥара дьиэлэрин көрбүтэ.


«Дойду илин өттүгэр айаммытыгар Саха сиригэр кэллибит. Өрөспүүбүлүкэ – Россия саамай улахан сирдээх-уоттаах региона. Материальнай уонна духуобунай сайдыыга элбэҕи оҥоруохтаахпыт. Билигин буола турартан өрөспүүбүлүкэ үлэтэ көстөр», — диэн кини ол кэлэ сылдьан эппитэ.

Аэропортан Кирилл Спасо-Преображенскай кафедральнай соборга сылдьыбыта. Епископ Зосима уҥуоҕар лития оҥорбута. Ол кэнниттэн Саха сиринээҕи епархия управлениетыгар уонна Никольскай таҥара дьиэтигэр тиийбитэ. Ол кэнниттэн өрөспүүбүлүкэ баһылыгын Егор Борисовы кытта сибэтиэй Иннокентий духуобунай-сырдатар киин үөрүүлээх аһыллыытыгар кыттыбыта.

Быйылгы сырыытыгар кини Тиксиигэ тиийиэхтээх. Онно икки сыллааҕыта тутуллубут суос-соҕотох таҥара дьиэтигэр Чукоткаттан быһа тиийиэҕэ. «Сибэтиэй Кирилл саҥа таҥара дьиэтигэр сулууспаны оҥоруоҕа, итэҕэллээхтэри кытта көрсүөҕэ», — диэн СИА-ҕа Саха сирин епархиятын пресс-сулууспатыгар эттилэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.