Сунтаарга эр дьон субуотунньуктаата. Улуус баһылыга Анатолий Григорьев 2017 сыллаахха тэриллибит өрөспүүбүлүкэтээҕи «СПЕЦНАЗ ДОБРА» тэрилтэ салаатын оройуоҥҥа көҕүлээбитэ. Билигин үлэ тэтимирэр.


«СПЕЦНАЗ ДОБРА» Сунтаардааҕы салаатын салайааччыта Николай Александров олохтоох тэрилтэлэр күүстээх аҥардарын түмэн таһаарыылаах үлэни тэрийдэ. Улахан субуотунньукка Сунтаар, Устье, Күндэйэ олохтоох дьаһалталарыттан, ОДьКХ, ЖКС, үөрэх управлениета, киин балыыһа, коррекционнай оскуола, ыччат, успуорт отделлара, РСДЮСШОР, ДЮСШ, тыа хаһаайыстыбатын управлениета, тутуу комплекса, «Кэскил» реабилитационнай киин о.д.а тэрилтэлэртэн көхтөөх кыттыыны ыллылар. Күн аҥарыгар элбэх кыдьымаҕы үлтүрүтэн ыраастаатылар.

Санатар эбит буоллахха, «СПЕЦНАЗ ДОБРА» Үтүө санааланыы сылыгар тэриллибитэ.

Бу үтүө хамсааһыны өйөөн тэриллибит Сунтаардааҕы салаа номнуо иккис улахан субуотунньуга.

Ааптар: Юлия АЛЕКСЕЕВА, СУНТААР.

4
0
comments powered by HyperComments