Монголияҕа — Өрөспүүбүлүкэ, Грузияҕа, Абхазияҕа, Ииндийэҕэ — Конституция күннэрэ.
1394 сыллаахха Сеул Кэриэйэ киин куоратынан буолбут. Ил Түмэн уурааҕынан Эдьигээн улууһа «эбэҥки национальнай улууһа» статустаммыт.
Бу күн прозаик, очеркист Герасим Бястинов — Бэс Дьарааһын төрөөбүт. Кини аатын Таатта улууһун Чымнаайы орто оскуолата сүгэр.
Сэтинньи 26 диэн Григориан халандаарыгар сыл 330-с күнэ (ордук хонуктаах сылга 331-c күнэ). Сыл бүтүө 35 күн баар.
Бэлиэ күннэр:
- Аан дойдутааҕы информация күнэ
- Монголия — Өрөспүүбүлүкэ күнэ
- Грузия, Абхазия Өрөспүүбүлүкэтэ — Конституция күнэ
- Ииндийэ — Конституция күнэ
Түбэлтэлэр:
- 1394 — Сеул Кэриэйэ киин куората буолбут.
- 1812 — Березина диэн өрүс таһыгар нуучча сэриитэ Арассыыйаттан тэскилээн иһэр французтары кыргыбыт. Өрүһү туорааһыҥҥа французтар өттүлэриттэн элбэх көннөрү, саллаат буолбатах дьон, дьахталлар уонна оҕолор өлбүттэрэ.
- 1924 — Монголия Народнай Өрөспүүбүлүкэтэ төрүттэммит — аан дойдуга иккис социалистыы судаарыстыба.
- 1939 — Майнилатааҕы түбэлтэ. Майнила диэн сэбиэскэй дэриэбинэ аттыгар сылдьыбыт саллааттары Финляндия өттүттэн пушканнан ытыалаабыттарыгар күтүрээбиттэр. Фииннэр билиммэтэхтэр, кыраныыссаҕа пушкабыт да суох диэбиттэр, силиэстийэ ыытарга модьуйбуттар, Сэбиэскэй бырабыыталыстыба онтон батыммыт уонна түөрт хонугунан сэриини биллэрбит.
- 1970 — Кариб байҕалыгар баар Гваделупа киин куоратыгар Бас-Терреҕэ биир мүнүүтэ иһигэр 38,1 мм ардах түспүт. Бу аан дойду устуоруйатыгар регистрацияламмыт саамай күүстээх ардах.
- 1994 — Чэчиэн оппозициятын этэрээттэрэ Грознайы ыла сатаабыттар. Онно кыттыспыт Арассыыйа саллааттара Дудаев сэриитиһиттэригэр билиэҥҥэ түбэспиттэр.
- 2002 — Саха Өрөспүүбүлүкэтин уонна Москуба бырабыыталыстыбалара атыы-эргиэн, наука-техникэ уонна култуура эйгэлэригэр 2002—2006 сылларга бииргэ үлэлиир туһунан сөбүлэҥҥэ илии баттаабыттар.
- 2008 — Ил Түмэн уурааҕынан Эдьигээн улууһа «эбэҥки национальнай улууһа» диэн стаатустаммыт.
Төрөөбүттэр:
- 1857 — Фердинанд де Соссюр — Швейцария тыл үөрэхтээҕэ, Женева лингвистическэй оскуолатын саҕалааһыныгар семиология уонна структурнай лингвистика төрүттэрин укпут киһи. Фердинанд де Соссюру XX үйэтээҕи лингвистика «аҕатынан» ааттыыллар.
- 1887 — Григорий Попов — Саха сиригэр төрөөбүт нуучча аҕабыыта, богословие билимин хандьыдаата, уопсастыбаннай диэйэтэл.
- 1902 — Герасим Бястинов – Бэс Дьарааһын — прозаик, очеркист. Кини аатын Таатта улууһун Чымнаайы орто оскуолата сүгэр.
- 1912 — Матвей Спиридонов — горняк, «Якутзолото» холбоһук начаалынньыга, Социалистыы Үлэ Дьоруойа.
Өлбүттэр:
- 1964 — Кирилл Горохов (22.07.1928 төр.) — Саха Сирин өрөбөлүүссүйэ иннинээҕи устуоруйатын, аҕыйах ахсааннаах хотугу омуктар устуоруйаларын чинчийбит учуонай, устуоруйа билимин хандьыдаата.
