Сергей Косарецкай: Экэниэмикэ үрдүкү оскуолата үөрэх сайдыытын соруктарын толорууга өрөспүүбүлүкэни кытта бииргэ үлэлиэҕэ

Экэниэмикэ үрдүкү оскуолатын (ВШЭ) Үөрэх институтун Оскуола социальнай-экэнэмиичэскэй сайдыытын киинин дириэктэрэ Сергей Косарецкай Саха сирин Ил Дарханын үөрэхтээһин стратегическай хайысхаларын туһунан ыйааҕын туһунан санаатын этэригэр чугастааҕы кэмҥэ үөрэх эйгэтигэр каадыры, чинчийэр, сыаналыыр кыаҕы туһаныахха диэтэ.

Сергей Косарецкай өрөспүүбүлүкэҕэ төрүт суолталаах бырайыакка суолта бэриллэрин ыйда.

Эксперт Саха сиригэр үөрэхтээһиҥҥэ мэлдьи дьоһуннук сыһыаннаһалларын бэлиэтээтэ: “Саха сиригэр үөрэхтээһин өрүү тумус тутуллара. Арассыыйа атын регионнарынааҕар үөрэхтээһиҥҥэ ылыныллар дьаһаллар өрүү үрдүк суолталаахтар. Маннык сыһыан уопсастыбаҕа үөрэхтээһин сайдыыта үөрэх биэдэмистибэтин эрэ бырайыага буолбакка, араас биэдэмистибэлэри, судаарыстыбаны, биисинэһи, олохтоох түмсүүлэри түмэр”.

Кини Саха сирин Ил Дарханын ыйааҕа Арассыыйа бэрэсидьиэнин ыйааҕын сүрүн көрүүлэрин эрэ буолбакка, итилэри өссө чопчу оҥорорун уонна суолтатын кэҥэтэрин ыйда. Холобур, хас биирдии муниципальнай оройуоҥҥа уонна куорат уокуругар 2024 сылга оҕо технопааркатын тэрийии. Ол эбэтэр регион хас биирдии муниципалитет таһымыгар бу хайысхаҕа үлэлиир баҕалаах.

Сүрүн болҕомтону попечительствоны уонна настаабынньыктааһыны кытта сибээстээх ыйаах үһүс пууна тардар. Саҥа түһүмэххэ попечительствоны уонна настаабынньыктааһыны таба туһаныы национальнай бырайыагы ситиһиилээхтик олоххо киллэриигэ көмөлөһүөҕэ.

Косарецкай туруоруллубут соруктары үбүлээһиҥҥэ болҕомтону туһаайда: “Киэҥ хабааннаах соруктар инвестиция сөптөөх кээмэйигэр наадыйаллар. Сороҕор Саха сирин айылҕа тыйыс усулуобуйатын учуоттаан, бу инвестициялар атын регионнардааҕар үгүөрү буолуохтара, холобур, Интэриниэккэ холбонууга. Саха Өрөспүүбүлүкэтэ докумуону уос номоҕор уонна декларацияларга эрэ хаалларбакка, ыйаах балаһыанньаларын үп ресурсаларынан, бүддьүөтү улаатыннарыынан чиҥэтиэхтээх, маныаха федеральнай эрэ үпкэ сигэнэр кыра”.

СИА.

This post was published on 03.12.2018 17:37 17:37