Күндү бэтэрээннэр уонна тыыл үлэһиттэрэ! Саха сирин убаастабыллаах олохтоохторо! Эһигини Аҕа дойду Улуу сэриитигэр Кыайыы 75 сылынан  истиҥник эҕэрдэлиибит! Ыам ыйын 9 күнэ — хас биирдиибитигэр ураты суолталаах, күндү уонна ытык бырааһынньык.


Биһиги өрүү Аҕа дойду Улуу сэриитин кыргыһыытын толоонугар тыыннарын толук уурары кэрэйбэккэ охсуспут буойуннар хорсун быһыыларын, кыайыыны уһансыбыт тыыл үлэһиттэрин сыраларын-сылбаларын, дойдуну сэрии кэнниттэн чөлүгэр түһэрээччилэр сүдү кылааттарын өйдүү-саныы сылдьыахпыт.  Кинилэр бигэ санаалара,  олоххо дьулуурдара уонна дойдуларыгар бэриниилээх буолуулара умнуллуо суоҕа.  Кинилэр биһиэхэ барыбытыгар үтүө холобур буолаллар.

Биһиги алмаас бырамыысыланнаһын төрүттэниитигэр уонна атаҕар туруутугар дьоһун кылааттарын киллэрсибит фронтовик үлэһиттэр — Виктор Илларионович Тихонов, Лев Леонидович Солдатов, Виктор Михайлович Кузьмин, Владимир Акимович Колбунов уонна да атын өрөспүүбүлүкэҕэ алмаас хостуур салаа историятыгар ааттара көмүс буукубаларынан суруллубут ытык дьоммут туһунан үтүө өйдөбүлү илдьэ сылдьабыт.

Күндү сэрии уонна тыыл бэтэрээннэрэ! Эһиэхэ дириҥник сүгүрүйэбит, махтанабыт!
Биһиги эһиги иннигитигэр историяны умнубакка илдьэ сылдьар, эһиэхэ кыһамньылаахтык сыһыаннаһар уонна сэрии ыар тыына хаһан да хатыламматын туһугар бэйэбититтэн тутулуктааҕы барытын оҥорор ытык иэстээхпит.

Эһиэхэ уонна бары чугас дьоҥҥутугар чиҥ доруобуйаны, этэҥҥэ буолууну уонна туох баар кэрэни-үтүөнү баҕарабыт!

Бырааһынньыгынан!

Ытыктабылы кытта,
АЛРОСА генеральнай дириэктэрэ Сергей Иванов

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.