29 Кулун тутар 29.03
  • -14°
  • $ 92,26
  • 99,71

Семен Куриловы ахтан ааһар күн

13:01, 09 сентября 2020
Текст:
Читайте нас на
Яндекс Новости
ЯДВ

Бүгүн, балаҕан ыйын 9 күнүгэр юкагир суруйааччыта Семен Курилов тыыннааҕа буоллар 85 сааһын туолуох этэ.   


Семен Николаевич Курилов (09.09.1935 – 06.04.1980) – юкагир суруйааччыта, П.А. Ойуунускай аатынан Государственнай премия лауреата, 1969 сыллаахтан СССР суруйааччыларын Союһун чилиэнэ.

Семен Курилов Аллара Халыма туундаратыгар табаһыт дьиэ кэргэнигэр төрөөбүт. Орто оскуола сэттэ кылааһын бүтэрбит. Оройуон хаһыатыгар, колхозка, нэһилиэк Сэбиэтигэр, култуура тэрилтэлэригэр үлэлээбит. Юкагир, нуучча, саха, эбээн, чукотскай тылларын билэрэ.

Айар үлэтин Семен Курилов 50-с сыллартан очеркалары, кэпсээннэри суруйууттан саҕалаабыт. «Туундараҕа көрсүөхпүт» диэн бастакы художественнай айымньыта «От Москвы до тайги одна кочевка» (1961) хоту дойду эдэр суруйааччыларын хомуурунньугар бэчээттэммит.

1969 сыллаахха бэчээттэммит «Ханидо уонна Халерха» диэн романа Семен Куриловка киэҥ биллиини аҕалбыт. Ити сыл кинини СССР суруйааччыларын Союһун чилиэнинэн ылбыттар. «Новые люди» диэн иккис кинигэтэ 1975 сыллаахха тахсыбыт. 1979 сыллаахха «Чаундаур» диэн кэпсээннэр, новеллалар хомуурунньуктара бэчээттэммит.

Семен Курилов дойдутугар балаҕан ыйыгар сылын аайы «Куриловскай күһүн» ыытыллар. Быйылгы тэрээһин пандемиянан тохтотулунна. Семен Курилов 85 сыллаах үбүлүөйүгэр «Ярхадана» юкагирдары сөргүтэр аһымал пуонда, Аллара Халыматааҕы история уонна хоту норуоттарын култууратын мусуойа оҕо уруһуйугар итиэннэ ааҕыыга онайн-күрэх биллэрдилэр. Тэрээһиннэр Семен Курилов үтүө аатын үйэтитэр сыалтан ыытыллаллар.

Следите за самым важным и интересным в Telegram-канале и WhatsApp-группе ЯСИА