Сбербаан ааспыт нэдиэлэҕэ потребительскэй кирэдьиит бырыһыанын түһэрбитэ. Аны туран, бэҕэһээҥҥиттэн ипотека киэнин кыччатта. Дьиэни тутааччылартан атыылаһар буоллахха, ипотека бырыһыана 10,9-ка тэҥнэстэ, онтон иккис ырыынак киэнэ 10,75-12,25% буолла. Бу туһунан edersaas.ru ааҕыҥ.
“Сбербаан ипотека ставкатын биллэрдик түһэрдэ. Аны туран, ипотеканы кирэдьииттээһиҥҥэ электроннай өҥөнү туһаныыга болҕомтобутун күүскэ уурабыт. Мантан инньэ дьиэни атыылаһыы докумуонун толоруу уонна регистрациялааһын анал сервис көмөтүнэн оҥоһуллар кыахтанна”, — диэн Сбербаан ипотеканы кирэдьииттээһиҥҥэ уонна партнердары кытта үлэҕэ управление дириэктэрэ Николай Васев иһитиннэрдэ.
Санатар буоллахха, Сбербаан ааспыт нэдиэлэҕэ потребительскэй кирэдьиит сыллааҕы ставкатын %-нын 12,9 оҥорбута. Бу мэктиэһиттээх дьоҥҥо. Оттон мэктиэһитэ суохха 13,9 % буолла.
