Амма улууһугар ытык Солобуода күнүн балаҕан ыйыгар бэлиэтиир үтүө үгэс быстыбакка салҕанар. Быйылгы дьоро күн хаһааҥҥытааҕар даҕаны умнуллубат, өрө күүрүүлээх буолара былааннанар.
Сарсын, балаҕан ыйын 15 күнүгэр саҥа стадиону, элбэх функциялаах спортивнай сааланы арыйыы аммаларга улахан үөрүүнү бэлэхтиэҕэ. Дьон хаартыскаҕа көрөн, “Сочи дуо?” диэн ыйыталаһар стадион үлэҕэ киириэҕэ. Бу күнү бары кэтэспиппит.
Солобуода күнүн бэлиэтээһин бырагыраамата манан эрэ бүппэт. Оҕо оонньуур былаһааккатын арыйыы, саахымат турнира, тыа хаһаайыстыбатын бородууксуйатын быыстапката, “Доблестный боевой расчет” диэн мемориалы, бетоннаммыт уулуссалары үөрүүлээхтик арыйыы, эҕэрдэ кэнсиэр, онтон да атын тэрээһиннэр олохтоохтору, ыалдьыттары күүтэллэр.
Ааптар: “Амма олоҕо” хаһыат.
