29 Кулун тутар 29.03
  • -13°
  • $ 92,26
  • 99,71

Сардаана Трофимова «Европа-Азия» норуоттар икки ардыларынааҕы марафоҥҥа кыттар

12:44, 04 августа 2016
Текст:
Читайте нас на
Яндекс Новости
ЯДВ

Рио-де-Жанейроҕа ыытыллар Олимпиадаҕа дойду чиэһин көмүскүөхтээх Саха сирин сүүрүүгэ Сардаана Трофимова 42 км. уһуннаах норуоттар икки ардыларынааҕы «Европа-Азия» сүүрүүгэ тахсыаҕа.


Кини былырыын Россия сүүрүүктэрин ортолоругар Франкфурт марафонугар бастыҥ көрдөрүүнү ситиспитэ. Онно кини 42 км.уһуну 2 ч. 24 мүн. 38 сөк. кэлбитэ, оттон муус устарга Россия Кубогар кыайбыта.

Россия атын атлеттарын курдук, Сардаана Трофимованы быйылгы Олимпиадаҕа киллэрбэтилэр.

Европа-Азия сүүрүүтүгэр Чурапчы спортсмена Дмитрий Степанов 21 км. уһуҥҥа кыттар.

«Билигин мин Татьяна Жирковаҕа дьарыктанабын, Кисловодскайга дьарыктана сылдьабын. Бэйэм саныырбынан, дьарыгым үчүгэй. Былырыын өрөспүүбүлүкэ чемпионатыгар бастакы миэстэни ылбытым. Онно бириэмэм 1 чаас 10 мүн. этэ», — диэтэ Степанов.

Норуоттар икки ардыларынааҕы «Европа-Азия» суол 3, 10, 21, 42 км. араарыллыбыт. Манна барыта 5 тыһ. спортсмен кыттар.

Следите за самым важным и интересным в Telegram-канале и WhatsApp-группе ЯСИА