Дьокуускайга отут сыл анараа өттүгэр “Самородок” бассейн арыллыбыта. Бу бэлиэ даатаҕа анаммыт үөрүүлээх тэрээһин буолла. Өрөспүүбүлүкэтээҕи Физическэй култуура уонна спорт адаптивнай киинин дириэктэрэ Анастасия Михайлова аатыгар үгүс эҕэрдэ тыллар этилиннилэр.
«32 сыл анараа өттүгэр өрөспүүбүлүкэ киин куоратыгар бассейны тутар туһунан дьоһун уураах ылыныллыбыта. Бу Дьокуускайга эрэ буолбакка, өрөспүүбүлүкэҕэ бүттүүнүгэр улахан социальнай суолталаах«, — диэтэ СӨ спорка миниистирин солбуйааччы Александр Бугаев.
Эҕэрдэлээччилэр ортолоругар Олимпийскай чөмпүйүөн, аан дойду үс төгүллээх чөмпүйүөнэ, хайыһардьыт Никита Крюков уонна тус тириэньэрэ Юрий Каминскай бааллар. “Самородок” куорат саамай хабыллар хаба ортотугар турар, бу дьону сырытыннарарга олус табыгастаах”, — диэтэ ааттаах-суоллаах чөмпүйүөн.
Тэрээһин түмүктэниитигэр көрдөрүүлээх харбааһын буолла. Спортсменнар харбааһын араас истиилин көрдөрдүлэр. Россия улахан дьоҥҥо чемпионатын боруонса призера Антон Тищенко бассейн бортигар ким-хайа иннинэ тайанна.
Георгий Татаринов, Сергей Саркисов хаартыската
