Өрөспүүбүлүкэ баһылыга Айсен Николаев коронавирус тарҕаныытын сэрэтэр ыйааҕар уларытыылары киллэрдэ — Дьокуускай уонна Жатай 65-тэн үөһэ саастаах олохтоохторо «самоизоляция» эрэһиимин тутуһаллар. Маннык дьаһал эпидемиологическай балаһыанньа тупсуор диэри салҕанар.


Бүгүҥҥүттэн Дьокуускайга уонна Жатайга 65-тэн үөһэ саастаах дьоҥҥо «самоизоляция» эрэһиимэ киллэриллэр. Сөптөөх ыйаахха Айсен Николаев илии баттаата. Докумуон коронавирус инфекциятыгар ылларар кутталлаах саастаах көлүөнэ доруобуйатын харыстыыр сыаллаах ылылынна.

Ил Дархан бэлиэтээбитинэн, социальнай сулууспалар кырдьаҕастарга эми-тому, аһы-үөлү тириэрдиигэ сөптөөх үлэни ыытыахтаахтар. Ыйаах чэрчитинэн, кырдьаҕастарга биир кэмнээх аадырыстаах көмө оҥоһуллуоҕа: «самоизоляцияҕа» баралларыгар 2000 солк уонна бүттэҕинэ — 2000 солк.

0
0

Хоруй суох