Р.И. Шадрин аатынан Саккырыырдааҕы орто оскуола 90 сыллаах үбүлүөйдээҕи күннэрэ саҕаланнылар. Икки оскуоланнан, хардары-таары оҕолорго, учууталларга, баҕалаах дьоҥҥо учууталлар бэйэлэрин уруоктарыгар сыһыаннаах тиэмэлэрин ыыттылар, үөрэттилэр.
Саккырыыр орто оскуолатын үбүлүөйдээх күннэрэ бүгүҥҥүттэн саҕаланнылар.
Икки оскуоланан хардары-таары ыытыллыбыт аһаҕас уруоктарга оҕолор эрэ буолбакка, атын учууталлар уонна баҕалаах дьон сырыттылар.
Улахан оскуолаҕа нуучча тылын уонна литературатын учуутала Мария Иннокентьевна Аммосова«Подготовка к итоговому сочинению по произведению А.Н. Островского «Гроза»», физика уонна математика учууталлара Акулина Афанасьевна Жиркова уонна Элеонора Эдуардовна Стручкова «Решение задач ОГЭ и ЕГЭ на движение» уруоктара сэҥээриини ыллылар. Дьарҕаалаах оскуолатын история уонна обществознание учуутала Сидор Маркович Ю «Эпоха дворцовых переворотов», математика уонна информатика учуутала Нарыйаана Анатольевна Колесова «Зависимость силы трения от силы реакции опоры», история уонна обществознание учуутала Синильга Андреевна Афанасьева «Подготовка к написанию эссе по истории (задание 25 ЕГЭ по истории)» уруоктара эмиэ бэрт сэргэхтик бардылар.
Алын сүһүөх оскуолатыгар эти-хааны эрчийиигэ сыһыаннаах физкултуура учуутала Екатерина Николаевна Васильева «Оздоровительная аэробика», Пелагея Разинова Самойлова «Гимнастические упражнения» уруоктара буоллулар.
Дария Афанасьевна Ефимова «Деревья и кустарники осенью», Наталья Петровна Горохова «Нуоҕалдьын кугас аттаах тойон Дьаҕырыма бухатыыр» айылҕа үөрэҕин, төрүт култуура билиилэрин хаҥаттылар.
Саргылана Васильевна Сыроватская, Сахаяна Михайловна Аммосова «Число 9» диэн уруокка тоҕус чыыһыла кистэлэҥин арыйдылар. Тылга сыһыаннаах үс уруок буолла: Нина Степановна Софронова «Сүһүөх арааһа», Мария Васильевна Каратаева «Морфология», Ольга Олеговна Попова «Главные члены предложения».
Үбүлүөй чэрчитинэн үөрэх тэрилтэлэрин икки ардыгар спартакиада буолла. Манна Дьарҕаалаах оскуолатын кэлэктиибэ бастакы миэстэни ылла.
Ааптар: Марианна СЛЕПЦОВА
This post was published on 30.11.2018 09:03 09:03