Покровскай куоракка баар Арчы дьиэтигэр лааҕыр оҕолоро арчыланнылар.
Покровскай куоракка сайыҥҥы кэмҥэ робототехника лааҕыра арыллыбыта. Манна оҕолор сөбүлээн дьарыктаналлар. Бэс ыйын 13 күнүгэр Арчы дьиэтин билсэ диэн ааттаан, лааҕыр уолаттара миэстэтигэр кэлэн күүлэйдээн, арчыланан бардылар.
«Бу күн оҕолорго Арчы дьиэтэ тугунан дьарыктанарын билиһиннэрдим. Үрүҥ Айыы ыйыгар аналлаах уонна Улуу Суорун сылыгар аналлаах туом ыыттым. Бу ый кэс тылларын открыткатын Арчы дьиэтин аатыттан бэлэх ууннум. Уолаттар бэрт сэргээн дьиэлэригэр тарҕастылар. Оҕолорго саха итэҕэлин билиһиннэрэ аҕала сылдьыбыт баһаатайдарга махталбын тиэрдэбин«, — диэтэ Арчы дьиэтин сэбиэдиссэйэ, дьөһүөлдьүтэ Лидия Харитонова.
