Батсаап ситимигэр өрөбүл күннэргэ Сайсары күөлгэ муҥхалыылларын туһунан сурах тарҕанна. Онно этиллэринэн, сэтинньи 3-4 күннэригэр күөлгэ үгэс буолбут муҥха ыытылларын туһунан этиллэр. СИА-ҕа Дьокуускай куорат пресс-сулууспатыттан иһитиннэрбиттэринэн, бу сурах олоҕо суох.
“Биһиэхэ ким даҕаны сурук киллэрбэтэҕэ, управа маннык тэрээһини күөлгэ ыытары былааннаабат”, — диэн Сайсары уокуругун салайааччы Леонид Бястинов эттэ.
Дьокуускай куорат дьаһалтата куорат олохтоохторугар уонна ыалдьыттарыгар социальнай тиһиктэринэн ыытыллар сымыйа ис хоһоонноох суруктарга итэҕэйбэккитигэр уонна чараас мууска киирбэккитигэр сүбэлиир.