СӨ экология, айылҕаны туһаныыга уонна ойуур хаһаайыстыбатыгар миниистирэ Сахамин Афанасьев Ил Дархан Анал этиитин ырытарыгар Айсен Николаев хас биирдии Саха сирин олохтооҕор сыһыаннаах дьоһун тиэмэлэри таарыйбытын, ураты болҕомтону айылҕа харыстабылын боппуруостарыгар уурбутун бэлиэтээтэ.
“Этиитин кэмигэр Ил Дархан өрөспүүбүлүкэ “АЛРОСА” салалтатын кытта Кэлэр көлүөнэлэр тус сыаллаах фондаларыгар үбү ыытыыны улаатыннарар туһунан дуогабар түһэрсиллибитин туһунан эттэ. Ол курдук, 2019 сылга Бүлүү умнаһынааҕы кэккэ нэһилиэнньэлээх пууннар сыллата ыраас уунан хааччыллыыга үп ылыахтара. Айсен Сергеевич өрөспүүбүлүкэ бырабыыталыстыбатыгар алмаастаах провинция улуустарын кытта бу үбү туһаныыга тус сыаллаах бырагырамааны бигэргэтэллэригэр сорудахтаата”, — диэтэ Сахамин Афанасьев.
Маны сэргэ Айсен Николаев Анал этиитигэр экэниэмикэ блогар Айсен Николаев 2019 сыл тохсунньу 1 күнүттэн Саха сирэ бары регионнар курдук, кытаанах бөҕү-сыыһы дьаһайыыга көһөллөрүн бэлиэтээтэ.
“Бу кыһалҕаны кини былаас федеральнай уорганнарын уонна олохтоох салайыныы уорганнарын кытта быһааралларыгар сорудахтаата. Түмүгэр саҥа тиһик үлэтэ муҥутуур көдьүүстээх уонна саҥа таһымҥа тахсар кыахтаах буолуохтаах”, — диэтэ миниистир.
СИА.
