“Киртийии тахсыбыт сиригэр Нерюнгритааҕы айылҕа харыстабылын экологтара өрөспүүбүлүкэтээҕи экологическай кэтээн көрүү киинин кытта үлэлииллэр, — диэтэ СИА-ҕа Сахамин Афанасьев. – Чульман өрүскэ түһэр Ключ Дежневка үрэх киртийдэ. Манна таас чох быылын буллулар, ньиэп-химия бородууктата көстүбэтэ”.
Балаһыанньаны айылҕа харыстабылын борокуратуурата уонна айылҕа харыстабылын министиэристибэтэ хонтуруолга туталлар.
“Бэнидиэнньиккэ Нерюнгрига көтүөҕүм, манна хонтуруоллуур уорганнары кытта сүбэ мунньах ыытыллыаҕа”.
