Өрөспүүбүлүкэтээҕи “Сахамедиа” холдинг уонна Дьокуускайдааҕы тыа хаһаайыстыбатын академията бииргэ үлэлиир туһунан дуогабар түһэристилэр.
Билигин академияҕа өрөспүүбүлүкэттэн эрэ буолбакка, Арассыыйа атын регионнарыттан, ону тэҥэ Монголияттан, Киргизияттан уонна Таджикистантан 4000 кэриҥэ устудьуон үөрэнэр.
“Биһиги сорукпут – академия туһунан хас биирдии сэлиэнньэҕэ тиийэ иһитиннэрии. Суруналыыстар көмөлөрүнэн үөрэххэ ылыыга үчүгэй түмүгү ситистибит”, — диэтэ ДьГТХА ректора Иван Слепцов. Сөбүлэһии быһыытынан бастакы тэрээһининэн улус.медиа саайты кытта дуогабарга илии баттаһыыта буолла. Бу оройуоннар олохтоохторо тыа хаһаайыстыбатын идэлэрин билсэллэригэр төһүү буолуоҕа.
“Сахамедиа” генеральнай дириэктэрэ Алексей Чертков бииргэ үлэлээһин агропромышленнай комплекс сайдыытыгар исписэлиистэри бэлэмнээһиҥҥэ төһүү буоларын бэлиэтээтэ.
This post was published on 04.10.2018 17:08 17:08