Москва куоракка олунньу 3-4 күннэригэр “Динамо” Спорт дыбарыаһыгар джиу-джитсуга Европа чөмпүйүөнээтэ (UAEJJF continental PRO jiu-jitsu Europe) буолан ааста. edersaas.ru
Онно Саха сириттэн сылдьар Федор Огоюкин маҥан поястаахтар ортолоругар 62 киилэҕэ диэри ыйааһыҥҥа Европа чөмпүйүөнэ буолла. Бу иннинэ Сахалартан ким даҕаны джиу-джитсуга Европа чөмпүйүөнэ буола илигэ.
Чөмпүйүөн санаата: “Мин кимоно ыйааһынын ааҕан туран 62 киилэҕэ диэри ыйааһыҥҥа кытынным, күрэхтэһии иннинэ 6 киилэ курдугу бырахпытым. Бэйэм билиҥҥи турукпун үчүгэй диэн сыаналыыбын, кыайыылаах тахсыбыппыттан олус үөрэбин. Махталбын тренербэр Стручков Александрга, күрэхтэһии иннинэ бэлэмнэммит Саха сирин джиу-джитсуга хамаандатыгар, чуолаан, Тимофей Ушницкайга, чугас доҕотторбор уонна төрөппүттэрбэр тиэрдэбин. Махтанабын аҕабар, кини миигин уонна убайдаах бырааппын кыра эрдэхпититтэн спорка угуйара, күүс-уох өттүнэн дьарыктыыра, сайыннарара”.
Афанасий НОЕВ, edersaas.ru
This post was published on 05.02.2018 15:25 15:25