НВК САХА — Балаҕан ыйын 14 күнүгэр Саха тыйаатыра испиктээкиллэрин көрдөрөн саҕалыа. Тыйаатыр саҥа 114-с сезона алтынньы 4 күнүгэр арыллыаҕа.
Тыйаатыр айар кэллэктиибэ сайыҥҥы сынньалаҥын кэнниттэн үлэ былаанын, ааспыт сезон түмүгүн уонна саҥа репертуарын дьүүллэстэ. Билиҥҥи труппаҕа 60-тан тахса артыыс баар. Быйылгы сезон былааныгар классическай уонна аныгылыы айымньылары туруоруу, өрөспүүбүлүкэ улуустарыгар уонна Россия атын куораттыгар гостуруоллар бааллар.
Соторутааҕыта тыйаатыр 25 артыыһа Чечня өрөспүүбүлүкэтигэр гостуруолга барбыта. Онно кинилэр дойду национальнай тыйаатырдарын фестивалыгар кыттыахтара уонна «Хаарыан хампа күөх кытылым» айымньыны көрдөрүөхтэрэ.
