29 Кулун тутар 29.03
  • -15°
  • $ 92,37
  • 99,53

Саха сиринээҕи бастакы ойуур питомнига Россияҕа бастыҥ бырайыагынан ааттанна

16:02, 28 октября 2020
Текст:
Читайте нас на
Яндекс Новости
ЯДВ

«Эрэллээх партнер — Экология» айылҕаны харыстыырга анаммыт регионнар практикаларын бүтүн Россиятааҕы куонкурустара алтынньы 26 күнүгэр түмүктэннэ. АГАТУ Саха сиригэр тэриллибит бастакы ойуур питомнигын туһунан көрдөрдө уонна «Лучший проект в сфере сохранения лесов» номинацияҕа бастаата, үрдүк үөрэх кыһатын пресс-сулууспата иһитиннэрдэ.


Куонкурус «Эрэллээх партнёр» ассоциация уонна Россиятааҕы экологическай уопсастыба холбоһуктаах бырайыактара, кинилэри Федерация Сэбиэтин аграрнай-ас бэлиитикэтин уонна айылҕаны туһаныы кэмитиэтэ өйүүр.

Куонкуруска 274 бырайыак кытынна. Арктикатааҕы судаарыстыбаннай агротехнологическай университет «Первый лесопитомник в Республике Саха (Якутия)» диэн бырайыагынан «Лучший проект в сфере сохранения лесов» номинацияҕа кытынна уонна кыайыылааҕынан таҕыста.

Аграрнай университет быйыл Өлүөхүмэ улууһугар бастакы эксперименныыр ойуур питомнигын тэрийдэ. Манна билигин ойуур маһын үүннэрэллэр, хотугу усулуобуйаҕа сөп түбэһиннэрэн. Питомник ойууру чөлүгэр түһэрии федеральнайдааҕы сокуоҥҥа сөп түбэһиннэрэн оҥоһулунна. Докумуоҥҥа олоҕуран, сир баайын туһаҕа таһаарааччылар кэрдибит ойуурдарын чөлүгэр түһэрэр эбээһинэстээхтэр.

Следите за самым важным и интересным в Telegram-канале и WhatsApp-группе ЯСИА