Өрөспүүбүлүкэ ыччат дьыалатыгар уонна дьиэ кэргэн бэлиитикэтигэр миниистирэ Иван Луцкан СИА-ҕа комментарийдыырыгар көҥүлэ суох миитин үгүс кыттыылаахтара – бу тэрээһини тэрийээччилэр көрүүлэрин ылыммат, көннөрү көрөөччүлэр диэтэ.
“Бүгүн Россия ДОСААФ уоннаҮтүө дьулуур киинэ Сирияҕа өлбүт байыаннайга анаммыт тэрээһини ыыппыттара. Манна хас эмэ сүүһүнэн киһи кыттыбыта, ол иһигэр байыаннай-патриотическай кулууптар
кыттыылаахтара. Ити кэмҥэ мин сценаҕа турдахпына, болуоссат аттынан дьон бөҕө ааспыта. Бу бэлитиичэскэй шоуга үөрэнээччилэр кытталларын сөбүлээбэтэхтэрин биллэрбит көннөрү ааһан иһэр дьон этилэр.
“Үөрэнээччилэр олох хайдаҕын билбэттэр уонна туга да өйдөммөт бэлитиичэскэй ыҥырыылардаах уонна кириитикэлиири эрэ сатыыр дьон сабыдыалыгар түбэстилэр”, — диэн эбэн эттэ ыччат миниистирэ.
“Саха сирин ыччата балаһыанньаны быһаарсара уонна өйдүүрэ олус үчүгэй. Ол иһин бу көҥүлэ суох аахсыйаҕа 30-40 эрэ киһи кыттыбыта, атыттар таах дьээбэргээн көрөөччүлэр”, — салгыы эттэ агентство сэһэргэһээччитэ.
Миниистир бу тэрээһини тэрийээччилэр – бу сокуону тутуһарга ыҥырар эрээри, бэйэлэрэ ону кэһэр дьон.
“Өскөтүн бу эдэр оҕолор дьоһуннаахтык кэпсэтиэхтэрин баҕарар буоллахтарына, биһиги кинилэри министиэристибэбитигэр ыҥырабыт. Кинилэр көрүүлэрин дьүүллэһиэхпит. Бүгүн маннык быһыы тахсара олох сөбө суох. Бу мин эрэ санаам буолбатах, кэпсэппит дьонум эмиэ санаалара”, — кэпсэтии бүтүүтүгэр Луцкан бэлиэтээтэ.
Айаал Яковлев.
0
0
