Уопсастыбаннай палаата 11 хамыыһыйаны түөрт бөдөҥҥө холбоото. Билиҥҥи структураны бэһис пленарнай мунньахтарыгар уларыттылар.
“Билиҥҥи структура палаата чилиэннэрин үлэтин тэтимирдиэ уонна көдьүүстээх оҥоруо дии саныыбын”, — диэн Алексей Стручков бэлиэтээтэ.
Мунньах түмүгүнэн түөрт хамыыһыйа тэрилиннэ:
экономическай сайдыыга, экологияҕа уонна ОДьКХ
гражданскай уопсастыбаны сайыннарыыга
социальнай бэлиитикэҕэ
тыа сирин уонна Арктиканы сайыннарыыга
Хас биирдиилэригэр үстүү солбуйааччы ананыаҕа. Маны сэргэ хамыыһыйалар икки ардыларынааҕы оробуочай уорганнар: “Хоруупсуйаны утары” уопсастыбаннай сэбиэт, этика хамыыһыйата уо.д.а. тэриллиэхтэрэ.
Палаата чилиэнэ Иван Горохов кэлэр мунньахтарга палаата көҕө суох чилиэннэрин отчуоттарын истэргэ ыҥырда. Онуоха Сергучев маннык көҕө суох уопсастыбанньыктар бэйэлэрин боломуочуйаларын ууруохтара диэтэ.
