Ростех Госкорпорация «Швабе» холдинг 1,3 тыһ устуука салгыны ыраастыыр тэрили Саха сирин үөрэҕин тэрилтэлэригэр ыытта. Дьаҥ инфекциятын суох оҥорор аналлаах, ону сэргэ COVID-19 ыарыыны сэрэтэр хайысхалаах систиэмэни регион бырабыыталыстыбата сакаастаата.
Саха сирин оскуолалара уонна үрдүк үөрэҕин кыһалара дьиэ иһинээҕи салгыны ыраастыыр тэриллэри туттулар. Тыаһа суох, дьон да баарына тохтоло суох үлэлиэн сөп.
«Ростех пандемия саҕаланыаҕыттан инфекциялары бохсор тэриллэри оҥоруунан күүскэ дьарыктанар. Хас да бородууксуйаны таһаарда. Дьон кыраадыһын билэр тепловизордар, алтыһыыта суох термометрдар, тус харыстанар сириэстибэлэр, салгыны ыраастыыр систиэмэлэр уо.д.а. Билигин доруобуйа харыстабылын уонна үөрэх тэрилтэлэригэр наадыйыы баар. Чуолаан оскуолаларга, колледжтарга, үрдүк үөрэх кыһаларыгар салгыны ыраастыыр тэриллэри туруоруу ыытыллар», – диэтэ Ростех толорор дириэктэрэ Олег Евтушенко.
