“СӨ ОДьКХ” ГУП филиалларыгар бу ааспыт навигацияҕа уунан оттук тиэрдилиннэ. Ол курдук, оройуоннарга 331382 тонна таас чох, 65086 тонна ньиэп уонна 12605 тонна гаас конденсата тиэрдилиннэ.
Навигация саҕаланыытыгар Аммаҕа, Эдьигээҥҥэ, Кэбээйигэ, Аллараа Халымаҕа, Өлүөхүмэҕэ, Тааттаҕа, Томпоҕо уонна Бүлүү умнаһынааҕы улуустарга кыһыҥҥа тиийэр оттук ыытыллыбыта.
Оттугу хааччыйар управление исписэлиистэрэ бэлиэтииллэринэн, Дьааҥыга уу таһыма намыһаҕыттан навигация уустук усулуобуйаҕа ааспыта. Ол иһин, Дьааҥыга тиэрдиллиэхтээх таас чоҕу Нижнеянскай ыскылаатыгар сүөкээбиттэрэ. Мантан кыһыҥҥы суолунан Дьааҥы оройуонун Баатаҕайыгар таһыахтаахтар. Бүгүҥҥү туругунан Дьааҥытааҕы филиалга кыһыҥҥы суол аһыллыар диэри тиийэр саппаас баар.
“Абый оройуонун Кэбэргэнэтигэр анаммыт таас чоҕу Белай Гораҕа илдьибиппит, итини суол турдаҕына Кэбэргэнэҕэ тиэрдиэхтэрэ”, — диэтэ “СӨ ОДьКХ” ГУП генеральнай дириэктэрин солбуйааччы Жан Бурцев.
This post was published on 01.11.2018 15:49 15:49