Саха сиригэр Ыһыаҕынан уонна Москва куоракка Кыһыл болуоссакка Кыайыы параадынан үүнэр нэдиэлэ үс үлэ күннээх, СИА суруйар.


«Ыһыах — бэс ыйын 21 күнэ — баскыһыанньаҕа түбэһэринэн, быраабыла быһыытынан бэс ыйын 22 күнүгэр (бэнидиэнньиккэ) көһөрүллэр уонна бу күн өрөбүлүнэн ааҕыллар. Онон өрөспүүбүлүкэ судаарыстыбаннай былааһын уорганын уонна регион судаарыстыбаннай тэрилтэлэрин үлэһиттэрэ бэс ыйын 20 — 22 күннэригэр үлэлииллэр», — СИА-ҕа үлэ харыстабылын департаменын салайааччытын солбуйааччыта Надежда Лыткина эттэ.

Үлэ министиэристибэтигэр быһаарбыттарынан, сменаҕа үлэлээччилэр күннэрэ бэс ыйын 21 күнүгэр түбэһэр буоллаҕына, бу күн үлэ күнүнэн кинилэргэ бэлиэтэнэр. Хамнастара бырааһынньык күҥҥэ үлэлээбит курдук ааҕыллар, РФ ҮК 153 ыстатыйатыгар олоҕурар.
«Оттон бэс ыйын 24 күнэ, Кыайыы 75 сылынан уонна Кыайыы Параадынан, РФ президенин ыйааҕынан үлэлээбэт күнүнэн ааҕыллар, ити эрээри хамнас төлөнөр», — диэтэ Надежда Лыткина.
Бэс ыйын 23 күнүнээҕи үлэ күнэ кылгаабат, толору, бэс ыйын 24 күнэ РФ ҮК 112 ыстатыйатыгар өрөбүл күнүнэн ааҕыллыбат.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.