НВК САХА – Саха сирин музыкааннара Санкт-Петербург куоракка, Россия бары регионнарыттан кэлбит оркестрдар уонна хордар кэккэлэригэр дойду гимнин толорууга кыттыыны ыллылар. Бу туһунан Саха сирин судаарыстыбаннай филармонията иһитиннэрдэ.
Тэрээһин Санкт-Петербург куорат «Газпром Аренатыгар» ааста. Россия уонна Сэбиэскэй Сойуус гимнин матыыба буолбут айымньыны Александр Александров суруйбута 75 сылын туолуутугар анаан ыытылынна.
Бырайыакка культурнай, уопсастыбаннай уонна политическай деятеллэр, аатырбыт дирижер Валерия Гергиев салалтатынан гимни толордулар. Кытааччы ахсаана аҕыстан тахса тыһыынча киһиэхэ тиийэн, Гиннес рекорда олохтонно.
Саха сириттэн үс музыкальнай тэрилтэ бэрэстэбиитэллэрэ кытыннылар: Г. Кривошапко аатынан государственнай филармония, Музыка үрдүкү оскуолатын духовой оркестра уонна «Виртуозы Якутии» скрипка ансаамбыла.
