29 Кулун тутар 29.03
  • -15°
  • $ 92,37
  • 99,53

Саха сирин кыһынын туһунан роман Великобританияҕа бэчээттэнэн тахсыа

11:46, 02 декабря 2016
Читайте нас на
Яндекс Новости
ЯДВ

«Зимняя дорога» роман «Русский Букер» литература сүрүн бириэмийэтигэр тиксибэтэ. Роман ааптара Леонид Юзефович кинигэни английскайдыы тылынан тылбаастыырга уонна Великобританияҕа бэчээттээн таһаарарга граҥҥа тигистэ. Бириис 750 тыһ.солк. тэҥ.


«Зимняя дорога» ромаҥҥа Арассыыйаҕа гражданскай сэрии кэмигэр генерал Анатолий Пепеляев уонна Иван Строд салайааччылардаах этэрээттэр утарыта турсуулара кэпсэнэр.

Бириэмийэ лауреатынан «Крепость» роман ааптара Петр Алешковскай буолла. Кыайыылаахтар ааттарын тохсунньу 1 күнүгэр Москваҕа эттилэр. Бириэмийэ иһин Сухбат Афлатуни («Поклонение волхвов»), Сергей Лебедев («Люди августа»), Александр Мелихов («И нет им воздаяния»), Борис Минаев («Мягкая ткань: Батист. Сукно») кииристилэр.

«Русский Букер» кыайыылааҕа 1,5 мөл.солк. наҕараадаланар, финалга киирбиттэр — 150 тыһ.солк.

«Русский Букер» — Арассыйатааҕы тутулуга суох литература бириэмийэтэ 2016 сылга 25-с төгүлүн туттарыллар. Былырыын Александр Снегирев «Вера» романа кыайыылаах буолбута. Бириэмийэни араас сылларга Владимир Маканин, Михаил Шишкин, Людмила Улицкая, Ольга Славникова, Александр Чудаков уо.д.а ылбыттара.

Следите за самым важным и интересным в Telegram-канале и WhatsApp-группе ЯСИА