Регионнааҕы уонна муниципальнайдааҕы быыбардар түмүктэринэн, Саха сиригэр Арктика зонатыттан Ил Түмэҥҥэ биир депутат, 15 нэһилиэк депутата уонна 4 нэһилиэк баһылыга быыбарданнылар. 


«Нэһилиэктэргэ баһылыктарынан «Биир ньыгыл Россия» баартыйа бэрэстэбиитэллэрэ буоллулар. Олохтоох дьон. Быыбардааччылар кинилэри үчүгэйдик билэллэр», — СИА-ҕа өрөспүүбүлүкэ киин быыбардыыр хамыыһыйатын (КБХ) бэрэссэдээтэлэ  Алексей Ефимов эттэ.

Биэс муниципалитекка баһылык уонна депутаттар быыбардара ыытылынна.

Ньурба улууһун Малдьаҕарыгар Александр Степанов баһылык буолла 94,81% куолас.

Аллараа Халыма Походскайыгар Сергей Попов 56,67% куолас.

Өлүөхүмэ улууһун Улахан Муҥкутугар Еремей Решетников 90,54% куолас.

Таатта улууһун Алдан нэһилиэгэр Егор Постников 96,19% куолас.

Бүлүү улууһун Бөтүҥ сэлиэнньэтигэр депутаттары талыыга быыбардааччы ахсаанын 56%-на таҕыста.

Арктика уокуругар Аллараа Халыма, Усуйааана, Аллайыаха, Абый оройуоттара киирсэллэр. Манна быыбарга тахсыы 42%-тан тахса. 637 куолаһынан арыттаах «Биир ньыгыл Россия» баартыйа бэрэстэбиитэлэ Матвей Евсеев Ил Түмэн депутатынан буолла.

«Сиэрдээх Россияттан» турбут Аркадий Клепечин 34,98% куоластаах. Дьиҥэ суох бүлүтүөн ахсаана 52.

Сигэн:

0
0

Хоруй суох