29 Кулун тутар 29.03
  • -14°
  • $ 92,26
  • 99,71

Саха сирин историятыгар хаһан да буолбатах түгэн: Ыарыһахха өлүктэн ылыллыбыт уорганы олортулар

18:30, 25 июля 2016
Текст:
Читайте нас на
Яндекс Новости
ЯДВ

Саха сирин баһылыга Егор Борисов медицинэ эргимтэтин кытта көрсүһүүтүгэр нэһилиэнньэҕэ үрдүк технологиялаах медицинэ наадалааҕын ыйан турар. Доруобуйа харыстабылын миниистиригэр Михаил Охлопковка өрөспүүбүлүкэҕэ трансплантологияҕа аныммыт ыйытыгы сытыытык туруорбута.


Миниистир Михаил Егорович этэринэн, бу хайысханан улахан үлэ ыытыллыбытын, уопут мунньуллубутун, үчүгэй көрдөрүүлэр ситиһиллибиттэрин эппитэ. Ону таһынан кини федеральнай таһымҥа сөп түбэһэр сокуон базата оҥоһуллубутун чиҥэтэн ыйбыта.

Доруобуйа харыстабылын миниистирэ эппитинэн, өрөспүүбүлүкэ быраастара өлбүт киһиттэн уорганы тыыннаах дьоҥҥо олордор кыахтаммыттар. Биллэн турар, маны туохтааҕар да ыарыһах дьон күүппүттэрэ.

Хоту дойдуттан Дьокуускайга көһөн кэлэн 16 сыл устата диализка сылдьыбыт, бүөрэ ыараханнык ыалдьар эдэр дьахтарга өлбүт киһи бүөрүн олортулар.

«Бу дьоллоох түгэни өр күүппүтүм. Бу – саҥа олоххо аартыгы аста», — диэн кини эпирээссийэ иннинэ эттэ.

1-кы, 2-с №-дээх өрөспүүбүлүкэтээҕи балыыһалар үлэһиттэрэ: быраастар, суоппардар, санитардар, о.д.а түүннэри утуйбатылар.

20:00-04:00 чааска диэри сөп түбэһиигэ чопчу лабораторнай диагностика оҥоһулунна, наадалаах анаализтары ыллылар.

04:00 чааска санитарнай массыына специалистары кытта бүөрү ыла айаннаатылар.

06:30-09:30 чааска транпланы ыллылар, кылгас кэмҥэ кэнсиэрбэлээтилэр.

10:30 чааска пацены эпирээссийэлиир хоско киллэрдилэр. Өрөспүүбүлүкэ кылаабынай трансплантолога Альберт Васильев салайааччылаах икки биригээдэ ыарыһах эдэр дьахтарга өлүк буөрүн ситиһиилээхтик олортулар.

Следите за самым важным и интересным в Telegram-канале и WhatsApp-группе ЯСИА