Саха Өрөспүүбүлүкэтин Киин быыбардыыр хамыыһыйатын барыллаан чахчытынан, олохтоох бириэмэнэн 07.00 чааска Саха сирин Ил Дарханын быыбарыгар Айсен Николаев иһин 73,07 % киһи куоластаата.
Иккис миэстэҕэ – Виктор Губарев (11,51 %), үһүскэ – Владимир Богданов (6,11 %), төрдүскэ –Гаврил Парахин (5,7 %).
Хамыыһыйалар куоластары ааҕа сылдьаллар – боротокуол 93,7 % обработкаланна.
Ил Түмэн быыбарыгар “Биир ньыгыл Арассыыйа” инники күөҥҥэ иһэр, бу баартыйа хандьыдааттарын иһин 58,39 % куолаһы биэрдилэр. Иккис миэстэҕэ – КПРФ (19,07 % ), онтон “Сиэрдээх Арассыыйа” (15,99 % ), төрдүскэ – ЛДПР (9,15 %).
