29 Кулун тутар 29.03
  • -13°
  • $ 92,26
  • 99,71

Саха сирин гектара оҕуруоту үүннэрээччилэргэ улахан көмө

12:38, 05 августа 2016
Читайте нас на
Яндекс Новости
ЯДВ

Уһук Илиҥҥэ гектар сири таһынан өрөспүүбүлүкэҕэ сири биэрии хортуоппуйу уонна оҕуруот аһын үүннэрии көрдөрүүтүн үрдэтиэҕэ. Ити туһунан тыа хаһаайыстыбатын өрөспүүбүлүкэтээҕи кооперативын салайааччыта Валерий Фомин эттэ.


Бэс ыйыгар Саха сирин баһылыга Егор Борисов Уһук Илиҥҥэ гектар сири биэриини сүрүннүүр сокуону олоххо киллэрии чэрчитинэн өрөспүүбүлүкэ олохтоохторугар тыа хаһаайыстыбатынан дьарыктаналларыгар анаан 2,5 га сири биэрэр туһунан быһаарыыны ылбыта.

Хортуоппуйу уонна оҕуруот аһын үүннэрээччилэр өрөспүүбүлүкэтээҕи сойуустара 2009 сыллаахха тэриллибитэ. Манна аҕыс улуустан фермерскэй хаһаайыстыбалары, тыа хаһаайыстыбатын кооперативтарын түмпүттэрэ.

«Биһиги айылҕабыт, климаппыт усулуобуйатын ааҕыстахха, судаарыстыба өттүттэн бу улахан көмө. Түмүккэ табаары оҥоруу биллэн турар, эбиллиэ. Оттон бэйэбит аспыт дэлэйдэҕинэ, доруобуйаҕа куттала суох аһылыктаныахпыт, омук дойдуларыттан кэлэри бэйэбит гиэнинэн солбуйуохпут», —диир Валерий Фомин.

Кини этэринэн, сири туһаҕа таһаарааччыларга эрэ Саха сирин гектара бэриллиэхтээх. «Тыа хаһаайыстыбатын бородууксуйатын оҥорон таһаарыы араастаах. Сылгыны үөрдээн иитии, сүөһүнү тутуу, оттооһун – атын, оттон оҕуруот аһын үүннэрии букатын туспа. Сири оҥоруу ураты сыһыаны эрэйэр: тиэхиньикэни атыылаһыахха, агротехнологияны сайыннарыахха наада, оҕуруот аһын харайар аныгы тутуулар баар буолуохтаахтар. Онон, ороскуоту толуйуу биһиги үлэбитигэр улахан көмө. Маннык өйөбүлэ суох биһиги усулуобуйабытыгар сайдар уустук«, — диир Фомин.

Следите за самым важным и интересным в Telegram-канале и WhatsApp-группе ЯСИА