29 Кулун тутар 29.03
  • -11°
  • $ 92,26
  • 99,71

Саха сирин чулуу тустууктара Нерюнгрига Уһук Илин чемпионатыгар мустуохтара

14:02, 30 января 2018
Текст:
Читайте нас на
Яндекс Новости
ЯДВ
Көҥүл тустууга Уһук Илин чемпионата олунньу 3-4 күннэригэр Нерюнгри куоракка ыытыллыаҕа. Манна уокурук бастыҥнара мөрүөннүөхтэрэ. Саха сирин чулуу тустууктара бары кытталлара сабаҕаланар. Бу күрэхтэһии Кемероваҕа буолуохтаах Россия чемпионатыгар сүүмэрдээһин буолар.

«Сахалин уонна Амур уобаластарыттан, Хабаровскай кыраайтан спортсменнары күүтэбит. Биһиги өрөспүүбүлүкэбититтэр сүрүн састаап кыттыа. Финалга тахсыбыттар Кемерово куоракка от ыйын 25-30 күннэригэр буолуохтаах Россия чемпионатыгар кыттарга путевка тутуохтара«, — диэн спортивнай тустууга Федерация толорор дириэктэрэ Николай Николаев.

Күрэхтэһии тустуу аан дойдутааҕы Холбоһугун быраабылатынан ыытыллар. 57, 61, 65, 70, 74, 79, 86, 92 уонна 125 кг. киирсиэхтэрэ.

Былырыыҥҥы күрэхтэһиини саныыр буоллахха, Саха сириттэн кыһыл көмүс мэтээли ылбыттара Дмитрий Аксенов (57 кг диэри), Николай Охлопков (61 кг диэри), Константин Власов (65 кг диэри), Герман Устинов (70 кг диэри), Дьулустан Сивцев (74 кг диэри) уонна Евгений Алексеев (125 кг диэри).

Дьахталлар 50, 53, 55, 57, 59, 62, 65, 68, 72, 76 кг диэри киирсиэхтэрэ.

Чемпионат олунньу 3 күнүгэр «Шахтер» спорткомплекска саҕаланыа.

Следите за самым важным и интересным в Telegram-канале и WhatsApp-группе ЯСИА